Gjykata e Krimeve të Rënda ka lënë në fuqi masën për bllokimin e pasaportës dhe ndalimin për lëvizjen jashtë shtetit t ëish-ministrit të Brendshëm, Saimir Tahiri. Ndaj Tahirit është marrë masa e sigurisë ‘ndalim i daljes jashtë shtetit’.
Pas daljes në ambientet e jashmte të Gjykatës së Krimeve të Rënda, për mediat foli shumë shkurt avokati i ish-ministrit të Brendshëm. Haxhia deklaroi se gjykata është një noter i prokurorisë dhe se çështjen do dërgojnë në Apel.
Avokati theksoi se ata e prisnin një vendim të tille të gjykatës, duke shtuar se nuk ka fakte për të justifikuar masën e dhënë nga gjykata. Vëtë Tahiri përballë gjykatëses tha se ai është i gatshëm të përballet me drejtësinë. Avokati Haxhia nënvizoi se s’ka asnjë rrezik që klienti i tij të ikë jashtë vendit.
