Ka nisur në selinë e Kuvendit mbledhja e Komisionit të Ligjeve. Në mbledhje janë vetëm anëtarët e mazhorancës dhe jo të opozitës.
Anëtarja e Komisionit, Vasilika Hysi është shprehur se do të ishte mirë të ishin të pranishëm edhe kolegët opozitës dhe për këtë ka kërkuar që të shtyhet seanca për pak më shumë se 10 minuta.
E njëjta kërkesë është bërë edhe nga deputeti Bashkim Fino. Në këtë situatë kreu i Komisionit, Ulsi Manja edhe pse hodhi poshtë kërkesën e Hysit, pas ndërhyrjes së Finos vendosi të ndërpresë seancën për 15 minuta.
Kandidatë për kryeprokuror të përkohshëm janë 7: Arta Marku, Ermira Tafani, Granit Shahu, Ferdinand Elezi, Besnik Muçi, Artur Selmani dhe Arqilea Koça.
