Gazetari Artan Hoxha është shprehur të martën në mbrëmje në emisionin “Opinion”, se ish-ministri i Brendshëm Saimir Tahiri ka dorëzuar te Krimet e Rënda rreth orës 15:00 pasaportën dhe kartën e identitetit.
Artan Hoxha tha se dokumenti është dorëzuar tek prokurori Gent Osmani.
Gazetari Artan Hoxha ka deklaruar midis të tjerave se policia ka sekuestruar në shtëpinë e ish-ministrit të Brendshëm, Saimir Tahiri një byzylyk të djalit të vogël, një varëse të bashkëshortes por që ka rezultuar të jetë e gjyshes së tij.
Hoxha tha sonte në studion e emisionit “Opinion”, se përveç byzylykut të djalit të vogël dhe varëses, është sekuestruar një palë vëthë dhe një byzylyk tjetër.
Saimir Tahiri dorëzon pasaportën në Prokurori
