Olsi Rama vëllai i kryeministrit Edi Rama, ka qenë prezent ditët e fundit, si shumë shpesh, me cilësinë e personazhit mediatik sportiv.
Fillimisht mediat e ndiqnin ditë për ditë, ndërsa ai ndiqte një kurs për Drejtor Sportiv, post të cilin ai e pretendon dhe e ka siguruar te Klubi Futbollit “Partizani”.
Dhe pa mbaruar “jehona” mediatike e këtij “suksesi”, Olsi Rama rishfaqet në media, këtë herë në një takim brezash të basketbollistëve të Dinamos, ku ai bashkë me vëllanë e tij, Edi Rama, kanë qenë lojtarë të këtij sporti.
Sikur të ishe një takim i zakonshëm i brezave të basketbollit dinamovit, nuk do të përbënte lajm, por mësohet se në këtë takim, “u themelua” Shoqata e Basketbollit “Dinamo” dhe Drejtori Sportiv i Klubit të Futbollit “Partizani” është zgjedhur anëtar bordi… DRONI.al
