Policia e Shkodrës nëpërmjet një komunikate për shtyp, nënvizon se në orën 09:25 të ditës së sotme në vendin e quajtur Palma lagje “Vasil Shanto” Shkodër ka pasur një konflikt, ku janë dëgjuar të shtëna me armë zjarri. Pas njoftimit nëpërmjet të një telefonate në sallën operative, menjëherë janë nisur në vendngjarje shërbimet e policies, ku kanë konstatuar se shtetasi R. B., ka qëlluar me armë zjarri pistoletë në drejtim të shtetasit G. S. 17 vjeç. Përplasja me armë midis dy të rinjëve, banues në lagjen ‘Partizani’ Shkodër, është prodkut i një konflikti të mëparshëm. Sipas policisë nga të shtënat me armë nuk ka persona të dëmtuar dhe po punohet për kapjen e autorit.
17 vjeçari goditet me armë në Shkodër pas një konflikti, ja ç’ndodhi në mëngjes
