Ish kryetarja e Parlamenti Jozefina Topalli ka festuar sot ditëlindjen në qyetin e saj të lindjes, Shkodrën. Ndërkohë ajo ka lajmëruar në rrjetet sociale se ka pasur një ditë të vecantë me të rinj të qytetit që i kanë bërë edhe një dhuratë speciale, nje torte me ngjyrat e PD, bardh e blu ku të rinjtë kishin vendosur “Edhe 100 vite të tjera kontribut për atdhe”, si dhe buqeta e luleve, trëndafil të bardhë dhe blu, simbol i Partisë Demokratike.
“Shkodra eshte dashni❤️
Surpriza e te rinjve te qytetit tim ishte dhurata me e embel qe mumd te prisja sot.
“Ata dijne te hapin dritaren e shpreses edhe kur deti eshte me dallge dhe qielli me re te zeza”- thoshte Bob Dylan”, shkruan Topalli.
Sic shkruan oranews, Topalli ka folur edhe politiken.
Topalli: Vendi ynë është në udhëkryq. Shoh që varfëria është shumëfishuar. Zhvillimet e fundit janë dramatike për vendin tonë, jo se janë të reja dhe jo se nuk i dinim, por shpërthimi i tyre ka bërë që të humbasë shpresa.
Mazhoranca dhe opozita janë bashkë dhe në Parlament po luajnë një teatër të neveritshëm thotë Topalli. Por a do të kthehet ajo në politikën aktive?
Topalli: Kam ndal hapin për arsye të zhvillimeve që dihen, por nuk jam fare indiferente ndaj politikës. E ndjek çdo minutë, 24 në 24 orë. Ndoshta di më shumë për shkak të pozicioneve që kam pasur dhe e kuptoj edhe më mirë se çfarë po ndodh. Unë dyshoj shumë se ata janë të gjithë bashkë dhe në Parlament luajnë një teatër gati të neveritshëm. Sigurisht që më mungon foltorja dhe jo ajo fitore që është sot në Parlament. Kjo nuk do të thotë se unë jam tërhequr nga Politika.
