Kreu i PD-së, Lulzim Basha ka reaguar sërish sot, pas mbledhjes së grupit parlamentar demokrat, duke i kujtuar kryeministrit Edi Rama se nuk ka të drejtë Kuvendi që të rrëzojë kërkesën e Prokurorisë dhe se Rama me vendimin e marrë po shkel hapur Kushtetutën.
“Rama ka shkelur Kushtetutën dhe ligjin për të mbrojtur Tahirin, parlamenti nuk ka të drejtë të rrëzojë një kërkesë të organit të prokurorisë. Rama po mbron Tahirin se është peng i lidhjeve kriminale, trafiqeve të drogës dhe se ka frikë nga hetimi i pavarur i drejtësisë që do të zbuloje bashkëpunëtorë të tjerë në kupolën e qeverisë. Kështu Vetting-u ka marrë fund, vendi në krizë totale, edhe morale, Rama de facto ka marrë fund si kryeministër. Ne do të jemi në konsultim të vazhdueshëm me qytetarët dhe ndërkombëtarët për t’ju përgjigjur kësaj krize”, u shpreh Basha.
https://www.facebook.com/lulzimbasha.al/videos/1668542146530293/
