Pas kërkesë për arrestim, Edi Rama ka një urim për Saimir Tahirin

Pas kërkesë së Prokurorisë së Krimeve të rënda, ka reaguar edhe kryeministri Edi Rama.
“Kur them dua një vend me drejtësi kuptoj vetëm drejtësi! Kur them dua të vërtetën nga drejtësia s’e bëj si ata që veç janë tallur dhe tallen me drejtësinë prej 27 vjetësh rresht! E besoj këtë fjalë me gjithë mend dhe luftoj për kuptimin e plotë të kësaj fjale, me gjithë zemër. Drejtësi për të gjithë dhe drejtësi mbi këdo.
Uroj që Saimiri të provojë deri në fund që s’ka lidhje me këtë histori kriminelësh. Por këtë dua ta mësoj nga drita e së vërtetës dhe këtë dritë s’e kam as unë, as qeveria, as partia. E ka vetëm drejtësia që duhet të na e ndriçojë këtë udhëkryq mes llafeve e provave. Deri në fund”.
Ky është reagimi i kryeministrit Rama. DRONI.al