Kryemadhi: Ja aksioni që do të nisë fronti bashkuar opozitar

“Në tryezën e sotme u vumë përballë presionit të vullnetit qytetar, të cilëve bandat për ditë e më shumë po i marrin frymën.
Tryeza e sotme ishte një ogur i mriz për të gjithë. Ky front do të nisë angazhimin, aksionin e tij, në luftën kundër narkoshtetit, i cili përfaqësohet nga kryeministri Edi Rama.
Partitë në tryezë ishin të shqetësuar me gjendjen që po kalon Shqipëria, ku çdo strukturë shtetërore por edhe besimi i njerëzve po kriminalizohet.
Kjo është një kambanë e fortë jo vetëm për klasën politike, por edhe për shoqërinë shqiptare.
Kjo ishte tryeza e parë, do vazhdojnë të tjera tryeza.
Ne konverguam në një pikë dhe më në fund jemi bashkë. Partitë politike nuk bëjnë protesta po bëjnë manifestime. Populli bën protesta.
Ky front do të jetë një nga inspiruesit më të mëdhenj që kanë pasur shqiptarët në 27 vitet e tranzicionit. Ka ardhur momenti për të bërë një gjë të mirë për Shqipërinë dhe shqiptarët”, u shpreh kryetarja e LSI-së, në përfundim të tryezës së përbashkët të opozitës. DRONI.al