Kryetarja e LSI-së Monika Kryemadhi ka publikuar një foto ku sipas saj shikohet të jetë Saimir Tahiri dhe Edi Rama që kanë dalë në krah të kriminelëve.
Kryemadhi theksoi se koka e gjithë krimit të organizuar, e gjithë mafies shqiptare dhe kryetari i katër klaneve mafioze, është Edi Rama.
Sipas saj, nëse Rama nuk ikën nga pushteti, ky vend do shohë çdo ditë e më shumë ditë të këqija.
“Të gjithë do të bashkëpunojmë me një front të hapur. Unë kam një foto të hedhur në ‘Facebook’ dhe i lutem regjisë ta publikojë. Mund ta dijë çfarë do Rama dhe Tahiri që shikohen të rrethuar me kriminelë”. tha Kryemadhi.
Ndërsa në “Facebook” Kryemadhi shkruan…
“Edi Rama me koalicionin e tij të krimit!Këto janë pjesa e tepsisë dhe drejtuesit e timonit!”, për foton sipër…
… dhe “Përfaqësuesit e denjë të koalicionit të ri të Ramës! Edi Rama është rrezik kombëtar!”, për foton poshtë.
