Ora kalon dhe të gjithë janë në pritje të sfidës së kombëtares, përballja me Spanjën sot në orën 20:45. Por si të mos mjaftonte mungesa e Strakoshës, Abrashit, Cikalleshit, Mavrajt, Roshit dhe Kukelit, në infermierinë e Kombëtares shqiptare është shtuar edhe një tjetër futbollist. Mësohet se mesfushori kavajas Andi Lila nuk do të jetë i gatshëm në sfidën e sotme ndaj Spanjës, pasi ka pësuar një tërheqje muskulare. Dëmtimi i Lilës pak orë para ndeshjes, duket se ka shkaktuar dhimbje koke për trajnerin Panuçi, i cili i ka tepër të reduktuara zgjedhjet ne krahun e djathtë.
