Isj-drejtori i Mjedisit në Korçë ka ndërruar jetë. Aleksandër Çela ka vdekur në rrethana misterioze në burg në Hungari. Çela ishte arrestuar para dy javësh në Hungari me akuzën e trafikut të klandestinëve. Ende nuk dihen shkaqet që kanë sjellë vdekjen e Çelës, ndërsa ka dyshime nëse ka vrarë veten apo e kanë vrarë në burg. Pritet që trupi të transportohet në shtetin shqiptar për të kryer ceremoninë mortore në qytetin e Korçës. Aleksandër Çela ishte ndaluar edhe më parë në Itali për trafik klandestinësh nga Siria. Çela ka qenë kandidat nga PS në vitin 2011 për Komunën e Dardhas në rrethin e Pogradecit, në vitin 2013 u emërua drejtor i Mjedisit në Korçë, ndërsa në 2015 u fut në Këshillin Bashkiak Pogradec.
