Deputeti i Partisë Socialiste njëherësh edhe kreu i Grupit Parlamentar i është përgjigjur nga foltorja e Kuvendit kreut të opozitës Lulzim Basha, pas akuzave të këtij të fundit për lidhjen e politikanëve me bandat e Elbasanit.
Duke pasur parasysh parimin se “mbrojtja më e mirë është sulmi”, Taulant Balla nga foltorja e Kuvendit tentoi “ndarjen e përgjegjësisë” me opozitën, kur pranoi se bandat në Elbasan kanë mbështetje politike.
“Ku është logjika që ne i kemi dhënë mbështetje dy bandave dhe i kemi vënë të dyja të zihen? Ju bëni mirë të mos përziheni as me njërën as me tjetrën palë. Papërgjegjshmëria juaj për të mbajtur anë në konflikt është e papranueshme. Aksioni i policisë ka nisur që nga 2005, atëherë kur u ngjiz konflikti” u shpreh Taulant Balla, i cili pa dashje, apo me dashje, pohoi e pranoi se të paktën njëra prej bandave në Elbasan, mbështetet nga PS.
Taulant Balla, jo më larg se zgjedhjet e 25 qershorit të këtij viti, ka qenë drejtues politik i fushatës së Partisë Socialiste në Elbasan.
Taulant Balla e pranon: Njëra nga bandat e Elbasanit ka mbështetjen e PS-së
