Të paktën dy persona ende të paidentifikuar kanë ndaluar tre djem te rinj që udhëtonin në një mjet tip “volksvagen turan”. Më pas i kanë rrahur britalisht me mjete të forta, madje njeri prej tyre ka marrë dhe një plagë plumbi në bark.
Ngjarja ka ndodhur orët e vona të mbrëmjes së kaluar në Lushnjë.
Tre të lënduarit janë Amarildo Shabani 18 vjeç, Daniel Salliu 18 vjeç dhe Florenc Pushka 20 vjeç nga fshati Gjocaj i Peqinit. Amarildo Shabani është prekur nga cifla e një plumbi ne rikoshete e qëlluar nga një armë tip kallashnikov, ndërsa dy te tjerët janë goditur me mjete te forta. Shabani është jashtë rrezikut për jetën ashtu si dhe dy shokët e tij, por për mjekim me të specializuar është nisur drejt spitalit te traumës në Tiranë.
Sipas viktimave autorët kanë pasur si qëllim tu merrnin makinën pasi i kanë ndjekur me motoçiklete. Policia ka nisir hetimin për zbardhjen e ngjarjes.
EMRAT/ I ndjekin, i ndalin dhe më pas i rrahin brutalisht tre të rinjtë
