Një 70 vjeçar është gjetur i vdekur në parcelat e mbjella të një personi. Sipas policisë gjatë ditës së sotme sot rreth orës 10:15, në fshatin Baltëz, Fier, shtetasi F. Xh., duke punuar në parcelën e tij të mbjellë me kulturë bujqësore, ka gjetur të vdekur shtetasin Safet Veizi, 70 vjeç, banues në fshatin Baltëz. Viktima ishte shpallur në kërkim më datën 04.08.2017 për “Largim nga banesa”. Paraprakisht dyshohet se vdekja ka ardhur nga shkaqe natyrale. Grupi hetimor po punon për zbardhjen e plotë të ngjarjes.
