Policia ka nisur hetimet për një grua 59 vjeçe nga Tirana, që pavarësisht moshës ka kërcënuar dhe i ka shpërndarë video intime një gruaje 10 vjet më të re.
Pas denoncimit të viktimës, seksioni për krimet kompjuterike në Drejtorinë e Policisë së Tiranës ka nisur hetimet nga të cilat ka rezultuar se 59-vjeçarja me inicialet A.Ç., banuese në Tiranë ka falsifikuar adresën e profilit të rrjetet social të një 49-vjeçareje dhe me anë të kësaj adrese, e kërcënon dhe i dërgon video intime personave të tjerë.
“Seksioni për krimet kompjuterike. Më datë 11.08.2017, u referuan materialet në Prokurorinë e Rrethit Gjyqësor Tiranë, për shtetasen A.Ç, vjeç 59, banuese në Tiranë, pasi dyshohet se më anë të kompjuterit, ka falsifikuar adresën e shtetases B.Sh, vjeç 49, banuese në Tiranë, me anë të të cilave, e kërcënon dhe dërgon video intime, personave të tjerë”, njofton zyrtarisht policia.
Tiranë, i vjedh facebook-un dhe i shpërndan video intime, 59 vjeçarja nën hetim
