Presidenti Ilir Meta dekreton “gjeneral brigade” kolonel Bajram Begajn

Presidenti i Republikës, Ilir Meta ka dekretuar gjeneral brigade, Bajram Rushit Begaj, me detyrë, shef i njësisë mjekësore ushtarake.
Lajmi bëhet i ditur në një njoftim për shtyp nga Presidenca, ku saktësohet se Begajt i është dhënë grada madhore “gjeneral brigade”.
Në njoftimin zyrtar thuhet se, vendimi i kreut të shtetit është bazuar në ligjin për “Pushtetet dhe autoritetet e drejtimit e të komandimit të Forcave të Armatosura të RSH”.