Ministri i Brendshëm Dritan Demiraj ka kontaktuar me zyrtarë kroatë në lidhje me arrestimin Ballist Morinës dhe ka kërkuar një gjykim të drejtë të tij.
Burime të besueshme thanë se Demiraj ka kontaktuar me autoritetet në Kroaci, pas vendimit të Gjykatës së Shkallës së Parë të Dubrovnikut.
Familjarë të Morinës deklaruan se zyrtarët shqiptarë e kanë lënë vetëm Ballistin duke rrezikuar ekstradimin tij në Serbi. E ëma e Ismail Morinës ka zhvilluar disa takime në Tiranë të cilat duket se nuk kanë arritur të ndikojnë autoritetet kroate që vendosën sot ekstradimin e tij në Serbi. Megjithatë gjithçka mbyllet më 11 gusht kur edhe pritet të zhvillohet seanca e Apelit.
