On. Riccardo Migliori *
Zoti Dritan Demiraj, ne kete punim te tijin, i ka bere nje dhurate Evropes dhe Perendimit duke shpjeguar se si eshte e mundur qe te mposhtet ISIS-i ne fushebeteje.
Nje dhurate, sepse fjalet e tij nuk jane ato te analisteve dhe intelektualeve, te cilet nga kolltuqet e tyre te rehatshëm në Neë York apo Londër e Paris, shpjegojnë dhe ilustrojnë atë që nuk njohin dhe nuk e kanë parë kurrë. Ndërsa Demiraj ka parë e prekur personalisht, gjithë llahtarin e këtij armiku të tmerrshëm të lirisë, të qytetërimit tonë siç është ISIS. Për këtë, ai më shumë se kushdo tjetër, ka autoritetin dhe besueshmërinë për të shpjeguar thelbin (esencën) e këtij armiku kërcënues dhe gjakatar. Unë kam drejtuar më shumë se 300 parlamentarë të OSCE-së dhe jam i nderuar edhe në emër të tyre të falenderoj autorin që më heroizëm ka kontribuar për sigurinë tonë përgjatë një beteje të gjatë e të vështirë për qytetërimin. Nëse qytetet tona janë më të sigurta, nëse fëmijët tanë mund të jenë të sigurt për të nesërmen e tyre, nëse shtëpitë tona dhe vendet ku punojmë janë të qetë, nëse demokracitë tona dhe Shteti i së drejtës nuk rrezikohen, kjo i detyrohet kurajos dhe veprimtarisë të atyre pak njerëzve, që si Demiraj, kanë jetuar gjithmonë jetën e tyre si mision dhe detyrë. Në këtë kuptim, Demiraj nuk është vetëm krenaria e popullit shqiptar, por një shembull i shkëlqyer për gjithë perëndimin, siç kanë qenë gjithmonë luftëtarët për lirinë.
* Presidenti aktual i Asamblesë Parlamentare të OSCE-së.
