Një vajzë 16 vjecare u mbyt sot në vendin e quajtur “tre ishujt” në Ksamil.
Vajza humbi jetën në mënyrë të papritur ndërsa po notonte në pjesën përballë ishujve të Ksamilit.
Deklarata e policisë:
Më datë 21.07.2017, rreth orë 13:00, njoftohemi nga shërbimet e policisë kufitare se në Ksamil është mbytur një shtetase.
Policia është afruar menjëherë në vendngjarje dhe ka konstatuar se tek vendi i quajtur ”3 Ishujt” Ksamil, Sarandë, është gjetur e mbytur një vajzë e cila pas hetimeve paraprake dyshohet të jetë shtetase Ruse, rreth moshës 16-17 vjeçare.
Po punohet për gjeneralitetet e plota. Trupi i saj po dërgohet drejt Spitalit Sarandë për veprimet e mëtejshme hetimore.
