Kryeministrit Edi Rama i ka “ngecur” timoni në dorë. Fakti që ai nuk ka patentë dhe në jetën “reale” nuk di ti japë makinës, duket se e ka gjetur të papërgatitur pas zgjedhjeve të 25 qershorit.
Duke u rrekur sa nëpër takime, sa nëpër rrjetet sociale, të diskutojë, të hedhë ide e të marrë mendime, ai deri tani nuk ka shkuar më larg se një fletërrufe në “Facebook” dhe një gjyq publik në Berat.
Duke mos mundur më shumë, ai së fundmi ka bërë publike operacionet që do të ndërmerren nga qeveria e re në 100-ditëshin e parë të qeverisjes.
E teksa mbetet ende në kuadrin e ideve, ai ka kërkuar sërish opinionin e qytetarëve.
“Çdo kritikë për çka mund të jetë e tepërt apo mund të mungojë në këtë grumbull idesh paraprake, është e mirëpritur”.
Operacionet një pjesë e të cilave shkojnë përtej 100-ditëshit lidhen me administratën, luftën kundër informalitetit, sigurinë ushqimore, luftën kundër kanabisit, dëgjesa për buxhetin 2018, pastrimi i territorit, reforma e ujit etj.
https://www.facebook.com/edirama.al/posts/10154975655641523
