Presidenti Bujar Nishani dekoron “Martirë të Demokracisë” 11 heronj antikomunistë (pas vdekjes) nga familja Lala (Qypi) dhe “Pishtari i Demokracisë”, ish-të burgosurin politik të komunizmit Mark Alija, në Kurbin.
Ky dekorim përben një akt të reflektimit të shtetit shqiptar mbi të vërtetën historike. Për familjet dhe banorët e Kurbinit ky është një moment krenarie legjitime. Këto dekorata janë edhe piketa për historiografinë zyrtare.
Vrasja në luftë me armë në dorë kundër shtetit komunist të 11 pjesëtarëve të një familje në vitin 1952, është një sakrificë mbinjerëzore por edhe prova që në Shqipëri ka pasur një rezistencë të fortë antikomuniste e cila deri tani nuk është vlerësuar drejtë dhe në përmasat reale të sajë.
Në ceremoninë e zhvilluar morën pjesë deputetë nga Qarku Lezhë, drejtues nga Partia Demokratike, si dhe të afërm nga familja Lala, të cilët në emër të atyre që u flijuan, morën dekoratat e akorduar nga Presidenti Nishani.
Ndue Lala ka përshëndetur në emër te familjarëve të martirëve.
