Kryeministri Rama largoi sot nga detyra Drejtorin e Agjencisë së Zhvillimit Bujqësor dhe Rural, Fadil Shahini.
Në vend të tij është emëruar Frida Krifca.
Ai ka qëndruar në këtë detyrë përreth 40 ditë si pjesë e marrëveshjes midis kryeministrit Edi Rama dhe kryetarit të opozitës Lulzim Basha për krijimin e qeverisë teknike përpara zgjedhjeve.
Kryeministri Rama ka një ngutje për të larguar drejtorët teknikë. Deri tani ka larguar dy prej tyre ndërkohë që dy të tjerë ende qëndrojnë në detyrë. Më 5 korrik Kryeministri nxori një vendim qeverie që kufizon veprimtarinë e ministrave teknikë dhe atyre të LSI-së deri ën zgjedhjen e qeverisë së re në shtator.
