Specialistët për Hetimin e Narkotikëve në Drejtorinë Vendore të Policisë Durrës në bashkëpunim me Interpol dhe Sektorin e Narkotikëve në Drejtorinë e Policisë së Shtetit, në vijim të punës së tyre për vënien para përgjegjësisë penale të autorëve, kanë bërë të mundur arrestimin e përkohshëm me qëllim ekstradimi drejt Italisë të Dario Myftiu 38 vjeç, banues në Durrës, i dënuar më parë për falsifikim dokumentesh.
Arrestimi i këtij shtetasi u bë pasi, Gjykata e Padovës Itali me Vendimin Nr. OCCC 9710/2015 -139/2017RGGIP, datë 06. 07. 2017, ka lëshuar Urdhrin e Arrestit për veprën penale, “Trafik droge”, parashikuar në nenet 81, të Kodit Penal Italian, dhe nenit 73 e 80 të ligjit “Mbi drogat”.
Maksimumi i dënimit që rrezikon Myftiu, është 20 vjet burg.
Materialet i kaluan Prokurorisë së Rrethit Gjyqësor Durrës për veprime të mëtejshme.
