Një atentat ka ndodhur sot në orët e paradites në Tiranë ku një person në moshë të re u qëllua me armë në rrugën e Dibrës.
DEKLARATA
Më datë 17.07.2017, rreth orës 09:30, në numrin e Emergjencave 112, ka ardhur një telefonatë për të shtëna me armë, në rrugën e Dibrës.
Menjëherë në vendngjarje kanë mbërritur shërbimet e policisë dhe ambulanca.
Nga hetimet dhe verifikimet paraprake është plagosur me armë zjarri shtetasi V.K., 28 – vjeç .
Sipas të dhënave paraprake 28 – vjeçari është qëlluar nga një person i paidentifikuar i veshur me të bardha, rreth 1 e 60 i gjatë, i cili është larguar menjëherë nga vendi i ngjarjes.
Shtetasi i plagosur është transportuar në spital ku ndodhet nën kujdesin e mjekëve.
Grupi hetimor ka sekuestruar në cilësinë e provës materiale gëzhoja të qitura nga armë e llojit pistoletë.
Janë ngritur pika kontrolli në hyrje dalje të zonës ku ka ndodh ngjarja dhe po vazhdon krehja e territorit.
Grupi hetimor po vazhdon punën për identifikimin e autorit/ ve dhe zbardhjen e shkakut dhe rrethanave të ngjarjes.
