Një aksident i rëndë ka ndodhur pasditen e sotme në autostradën e Kumanovës, ku i plagosur ka mbetur edhe Arben Ahmetaj, ish-ministër i Financave të Shqipërisë.
Arben Ahmetaj bashkë me dy persona të tjerë ishin duke udhëtuar me një automjet tip “Range Rover”, kur janë përfshirë në një aksident me dy makina të tjera, mes të cilëve edhe një autobus.
Nga fotot e bëra publike, shihet se makina ku udhëtonte Arben Ahmetaj është shkatërruar thuajse e gjitha në pjesën e parë, duke përfunduar më pas e përmbysur në rrugë.
Nga të dhënat e para bëhet e ditur se ai nuk ka marrë plagë të rënda dhe ndodhet i shtruar në spitalin e Kumanovës.
