19-vjeçarja e cila është hedhur nga kati i 8 i pallatit ku banonte, jetonte aty bashkëme të dashurin e saj prej dy vjet e gjysmë me qera. Sipas burimeve nga policia viktima është Safete Bega, 19 vjeçe dhe është nga fshati Perondi i Beratit, ndërkohë që bashkëjetuesi i saj quhet Artur Çala, 33 vjeç dhe është nga Topoja e Fierit. Burimet pohuan se çifti ishte problematik dhe me precedentë penale për vjedhje. Policia po punon për gjetjen e motivit te hedhjes nga pallati të vajzës së re, nëse ajo është hedhur vetë apo e kanë shtyrë për tu hedhur. Deri më tani është mësuar se në momentin kur ajo është hedhur nga pallati, ka qenë në gjendje të rëndë psikologjike.
