Vera ka nisur vrullshëm dhe rritja e temperatura në nivele kaq të larta ka sjellë dhe thatësirë.
Për më tepër ka pasur dhe mungesë të theksuar uji të pishëm në disa zona të ndryshme në Tiranë.
Task-Forca konstatoi një numër të madh rastesh abuzive dhe të ndërhyrjeve të paligjshme në rrjetin e ujësjellësit, duke e përdorur ujin për të ujitur tokat dhe të mbjellat bujqësore. Fotot e mëposhtme tregojnë më së miri se si banorët e tiranës, kryesisht të zonave periferike, kanë masakruar tubacionin kryesor me lidhje që përdoreshin për ujitje, lavazhe apo për qëllime të tjera.
Ndaj këtyre rasteve, grupet e Task-Forcë, përveç ndërprerjeve të këtyre lidhjeve, kanë vendosur gjoba për shpërdoruesit e ujit, ndërsa për ata që kanë përbërë vepër penale kanë bërë denoncimin dhe shoqërimin e autorëve në polici.
