Nënkryetaren e KZAZ-së, në fshatin Shalës në Cërrik e kanë kërcënuar me jetë.
Për këtë arsye është ndërprerë votimi në këtë qendër.
Nënkryetarja e KZAZ-së nr.46 shtetasja M.M. ishte thirrur për një çështje pune nga Komisioni i Qendrës së Votimit.
Por ajo jashtë ambienteve të qendrës dyshohet të jetë kërcënuar me fjalë nga shtetasi Y.P., banues në fshatin Shalës, që kishte shkuar për të votuar.
Policia ka bërë shoqërimin e shtetasit Y.P. në ambientet e Komisariatit të Policisë Cërrik për veprime të mëtejshme.
Votimi në këtë qendër aktualisht vijon normalisht dhe pa probleme.
Cërrik, ndërpritet votimi, kërcënojnë me jetë nënkryetaren e KZAZ
