Partia Drejtësi, Integrim dhe Unitet ka përshëndetur dialogun mes kryeministrit Rama dhe kreut të PD, Lulzim Basha.
Në një njoftim për media, PDIU thotë se edhe pse një takim i vonuar vlerësohet për faktin se për herë të parë zgjidha politike mes Mazhorancës dhe Opozitës po kërkohet në zyrën e Presidentit të Republikës dhe jo me ndërmjetës të huaj.
“Kriza aktuale nuk cënon vetëm partitë politike, por Shqipërinë dhe shqiptarët. Prandaj, u bëjmë thirrje palëve të ngrihen në nivelin e duhur për të bërë lëshime reciproke e për të dhënë zgjidhje në emër të Atdheut të vetëm që kemi! Ne kemi Veç Një Atdhe, që i kemi dhënë vazhdimisht kriza. Tani është koha t’i ofrojmë zgjidhje!”, thuhet në njoftimin e PDIU.
Takimi Rama-Basha/ PDIU: Është koha t’i ofrojmë zgjidhje krizës
