Basha rikthehet në çadër dhe përshëndet protestuesit: Bashkë do fitojmë, bashkë me ne fiton gjithë Shqipëria

Nga sheshi “Shqiponja”, kreu i PD-së ju drejtua çadrës prej nga përshëndeti protestuesit e sotëm, anë e kënd Shqipërisë.
Ai nuk kurseu falënderimet për çdo qytetar që ishte pjesë e tubimit të sotëm. Ai theksoi se me PD-në fiton gjithë Shqipëria.
“Falënderime më të përzemërta dhe bekimin e gjithë qytetarëve shqiptarë që u bashkuan sot në këtë përshkallëzim të protestës për zgjedhje të lira dhe të ndershme. Një falënderim nga zemra për çdo shqiptare dhe shqiptar që ngrihet për fatet e Republikës së re që janë fatet e çdo shqiptari të ndershëm. Bashkë do fitojmë. Bashkë fiton gjithë Shqipëria me ne. Zoti ju bekoftë ju, Zoti bekoftë Shqipërinë!”, pohoi Basha.