Gazetarja britanike e rrjetit televiziv Channel 4, Lindsey Hilsum, ka intervistuar kryeministrin Edi Rama, në një kohë kur protestat kundër qeverisë kanë hyrë në ditën e 60-të.
Gjatë intervistës, Hilsum e pyeti Ramën për situatën në Zvërnec dhe projektet që lidhen me këtë zonë. Kryeministri deklaroi se nuk ekziston një projekt për Zvërnecin, ndërsa gazetarja iu përgjigj se e kishte parë vetë ndërtimet dhe ndërhyrjen në zonë.
Në të njëjtën intervistë, Rama tha se mjetet e rënda ishin dërguar për të hapur rrugën për banorët e zonës.
Gazetarja i tha se banorët e kishin tashmë rrugën të aksesueshme dhe gardhi u vendos vetëm pasi në zonë mbërritën buldozerët. a.b
