Dëshmitare e vrasjes në Vlorë ka qenë këngëtarja Blerina Balili, e cila ishte duke interpretuar në lokalin ku ndodhi ngjarja.
Ajo i ka përshkruar çastet e tmerrit të kaluar duke u shprehur se është fat që ajo dhe të tjerët që ishin të pranishëm në lokal janë gjallë.
“Ishte fat që jemi ende gjallë dhe më vjen shumë keq për ngjarjen që ndodhi. Ishte tmerr. Ishte skena më e keqe që mund t’i ndodhë dikujt, situatë jashtë mase e vështirë. Nuk kam fjalë ta përshkruaj.”
Më tej ajo ka ngushëlluar familjen që pati fatkeqësinë.
Pak para mesnatës së të enjtes, dy persona të armatosur hynë në një lokal me muzikë dhe hapën zjarr duke vrarë 33-vjeçarin.
DETAJE/ Masakra në Vlorë, rrëfehet këngëtarja: Tmerr, nuk kam fjalë ta përshkruaj!
