Mazhoranca duket e vendosur për të shkuar e vetme në zgjedhjet e 18 qershorit. Sot Komisioni Qendror i Zgjedhjeve zëvendëson komisionerët e Partisë Demokratike për zgjedhjet e 18 qershorit. Vendimi u miratua me 4 vota pro dhe dy kundër në mbledhjen e radhës të Komisionit, e cila u shoqërua me debate pasi përfaqësuesit e opozitës pretenduan se shumica e këtyre qytetarëve janë anëtarë dhe militantë të majtë.
“Është një listë fund e krye me militantë të PS në pushtet, aq më keq këta militant janë të gjithë të punësuar në shtet. Nëse do të bëni konsideratë bëni, unë nuk vij për anëtarët e KQZ, forcë politike që do të sabotojë zgjedhjet mbajeni për vete, mos hyni në konsiderata të tilla, ndryshe do të hyjmë në debat”, tha Ivi Kaso, përfaqësuesi i PD-së.
Ndërsa nga ana tjetër përfaqësuesit e mazhorancës i kërkuan opozitës që të paraqesin prova për këtë pretendim, në mënyrë që të merren masa për ti hequr nga lista personat që nuk plotësojnë kriteret.
Mazhoranca merr superxhiro, KQZ zëvendëson komisionerët e opozitës
