Kryetari i Partisë Demokratike Lulzim Basha po marr pjesë në Kongresin e Partive Popullore Europiane që po zhvillohet në Maltë.
Gjatë fjalës së tij në Kongres, Basha deklaroi se Shqipëria është vendi i parë në Europë për kultivimin dhe trafikimin e kanabis sativës.
“Shqipëria është vendi i parë për prodhimin e marijuanës. Në 75% të territorit janë kultivuar dhjetëra parcela droge. Parcelat e drogës ruhen me persona të armatosur. Trafiku i drogës sjell të ardhura të shumta. Kjo është përgjegjësia e qeverisë, pasi është bashkëpunëtore me krimin”, tha lideri demokrat Lulzim Basha.
Kryedemokrati akuzoi qeverinë Rama se do të manipulojë zgjedhjet e përgjithshme të 18 qershorit.
“Qeveria po kërkon të manipulojë zgjedhjet. Nuk pranojnë votimin e numërimin elektronik. Shqiptarët ju bashkuan protestës në 18 shkurt. Beteja jonë për zgjedhje të lira do të vazhdojë”, theksoi Lulzim Basha.
VIDEO/ Basha nga Kongresi PPE: Shqipëria rekord për kultivim kanabisi, po tentohet manipulimi i zgjedhjeve
