Lushnjë, sulm me armë ndaj një firme ndërtimi

Një sulm me armë ka ndodhur mesnatën e djeshme ndaj një kompanie private në Lushnjë.
Burime të Policisë Vendore bëjnë të ditur se persona ende të paidentifikuar kanë bërë një sulm me armë ndaj një firme ndërtimi.
Të njëjta burime saktësuan se ngjarja ka ndodhur në mesnatë te vendi i njohur si “Klubi i shoferit”.
Persona të paidentifikuar ende kanë qëlluar me armë zjarrin ndaj kantierit të firmës së ndërtimit në pronësi të qytetarit me inicialet A. Ll. Fatmirësisht nuk ka pasur dëme në njerëz, ndërsa paniku ka përfshirë banorët.
Në vendin e ngjarjes kanë mbërritur oficerët e policisë që kanë nisur hetimet, ndërsa ende nuk ka persona të dyshuar në lidhje me këtë ngjarje të rëndë.