Këngëtari i njohur Frances Radi është shtruar me urgjencë sot në reanimacionin e QSUT-së pasi ka pësuar një hemoragji cerebrale.
“Gjëndja e tij është shumë e rëndë. Nëse autoritetet kanë mundësit për ta dërguar jashtë për një mjekim më të specializuar ju lutem ta bëjnë” tha bashkëshortja e tij Tefta Radi për ora neës.
Ekipi i mjekëve të Reanimacionit Qendror, në Qendrën Spitalore Universitare “Nënë Tereza” po ndjek me vëmendje ecurinë e gjendjes shëndetësore të artistit të njohur, Françesk Radi.
Në një njoftim për mediat, Ministria e Shëndetësisë bën me dije se “ekipi mjekësor është duke ndjekur të gjitha procedurat e përcaktuara në protokollet e mjekimit sipas diagnozës, si dhe ka marrë dhe po merr të gjitha veprimet e nevojshme për ndjekjen dhe mjekimin e artistit të njohur”.
Ministria e Shëndetësisë po e ndjek nga afër rastin, me qëllim marrjen e gjithë masave që do të nevojiten, bazuar në vlerësimin e gjendjes klinike nga ana e ekipit mjekësor.
Disa nga këngët e njohura të Francesk Radit janë “Adresa”, “Biçikleta”, “Humba pranverën” etj.
