Policia e Kukësit zbuloi një shpellë në të cilën fshiheshin një sasi e konsiderueshme kanabisi dhe armë. Mbi bazën e informacioneve të marra në rrugë operative, policët kanë ushtruar kontroll në fshatin Bele.
Gjatë kontrollit, në një shpellë në formë guve, janë gjetur dhe sekuestruar në cilësinë e provës materiale 12 pako të mbështjella me letër natriban me peshë rreth 10 kg lëndë narkotike e llojit Cannabis Sattiva, 20 copë kallëp me lëndë plasëse me peshë rreth 2 kg, si dhe 16 copë fishekë model 56.
Vazhdon puna për identifikimin dhe kapjen e autorëve.
Materialet i kaluan për veprime të mëtejshme Prokurorisë së Rrethit Gjyqësor Kukës, për veprat penale “Prodhim dhe shitja e narkotikëve”,dhe “Prodhim dhe mbajtja pa leje e armëve luftarake dhe municionit”, parashikuar nga nenet 283 dhe 278/2 të Kodit Penal.
