Është duke u luajtur sonte në stadiumin “Loro Boriçi” në Shkodër ndeshja e vlefshme për Grupin I të kualifikueseve të Kupës së Botës “Rusi 2018” mes Kosovës dhe Islandës.
Pjesa e parë ka përfunduar 2:0 për Islandën ku njëri nga golat është shënuar me penallti.
Trajneri Albert Bunjaki ka vendosur të bëjë disa ndryshime në ekipin që do ta fillojë nga minuta e parë këtë takim. Dy sulmuesit e afruar së fundmi, Besart Berisha dhe Atdhe Nuhiu, janë përfshirë në formacionin titullar, duke ulur në stol mesfushorë të avancuar si Bernard Berisha apo Arbër Zeneli. I gatshëm në këtë ndeshje për Kosovën do të jetë edhe mesfushori i Shalkes, Donis Avdijaj, i cili do të debutojë në rast se aktivizohet.
Kronika:
35′ G. Sigurdson merr përsipër ekzekutimin e 11 metërshit duke goditur saktë për të dyfishuar avantazhin e Islandës.
34′ Kololli shkakton penallti duke penguar në zonë Sevarsonin dhe ndëshkohet me karton të verdhë.
25′ G. Sigurdson godet drejt portës pasi merr një top në zonë nga e majta, por Ujkani grushton dhe rikthen topin në lojë, aty ku Sigurdason nuk e ka të vështirë të shënojë me portën e boshatisur.
21′ Valon Berisha tenton me një goditje të rrezikshme nga jashtë zonës, por topi trondit traversën dhe shkon jashtë.
12′ Kololli kroson në zonë nga e majta dhe Nuhiu tenton me një goditje qëndrore me kokë, por topi kontrollohet pa problem nga portieri Halldorson.
8′ G. Sigurdson tenton me një goditje nga jashtë zonës, por topi shkon jashtë mbi traun e portës.
1′ Fillon ndeshja. Kosova luan topin e parë.
KOSOVË – ISLANDË 0-0
Kosova: Ujkani, Përdedaj, Rrahmani, Pnishi, Kololli, Kryeziu, Shala, Rashica, Besart Berisha, Valon Berisha, Nuhiu
Trajner: Albert Bunjaki
Islanda: Halldorson, Sevarson, Arnason, R. Sigurdson, Skulason, Traustason, Gunarson, G. Sigurdson, Hallfredson, Sigurdason, Kjartanson
Trajner: Heimir Hallgrimson
Gjyqtar: Artur Dias (Portugali)
