Foto, autori sulmit terrorist në Londër
I ashtuquajturi Shteti Islamik ka marrë përsipër sulmin terrorist të një dite më parë në Westminster të Londrës. Një zëdhënës tha se pas sulmit që i mori jetën 3 personave qëndronte “një ushtar i Shtetit Islamik”.
Sipas “The Independent”, në deklaratën e publikuar në agjencinë e lajmeve të grupit terrorist Amaq, nuk përmendej përfshirja e drejtpërdrejtë e ISIS në sulm, që hetuesit thanë se ishte frymëzuar nga terrorizmi islamik.
ISIS pranon shpesh autorësinë për sulmet terroriste, të cilat nuk i ka organizuar apo ndihmuar drejtpërdrejtë, por që janë publikisht të lidhura me ideologjinë e tij.
