Një shpërthim ka ndodhur në repartin ushtarak në Porto Romano në qytetin e Durrësit.
Nga shpërthimi kanë mbetur të plagosur dy roje të repartit, Emirjan Klondreu dhe Vullnet Shehaj të cilët janë dërguar në spital për të marrë ndihmë mjekësore.
Paraprakisht raportohet se lënda që ka shpërthyer ka qenë barut.
Ngjarja dyshohet se është aksidentale, pasi rojet i vendosën flakën shkurreve për të pastruar oborrin. Zjarri u përhap dhe aksidentalisht pati shpërthim të barutit, i cili ju shkaktoi djegie në fytyrë por pa rrezik për jetën.
EMRAT/ Shpërthimi në repartin e Porto Romanos, identifikohen dy personat e plagosur
