Policia e Fierit arrestoi një magazinier të kompanisë “Al Petrol”, ndërsa ka nisur proçesim penal në gjendje të lirë për katër roje me akuzën e vjedhjes dhe shpërdorimit të detyrës.
Ata akuzohen se kanë abuzuar me detyrën duke i shkaktuar shtetit një dëm prej 15.000.000 lekë të reja.
Shpëtim Ramaj, 48 vjeç, banues në lagjen “Apollonia” Fier, me detyrë magazinier në Ndërmarjen e Bazës së Furnizmit Teknik të shoqërisë “Al Petrol”, është personi që ka rënë në pranga.
U proçeduan penalisht në gjendje të lirë
-S.M, 44 vjeç, banues në lagjen “Mbrostar Ferko”, Fier.
-M.R, 56 vjeç, banues në lagjen “Kastriot”, Fier.
-Sh.K, 62 vjeç, banues në lagjen “Konferenca e Pezës” Fier.
-F.C, 47 vjeç, banues në lagjen “16 Prilli”, Fier.
(Të katërt me detyrë roje në Ndërmarjen e Bazës së Furnizmit Teknik të shoqërisë “Al Petrol”).
