Kreu i PD-së Lulzim Basha tha se do të nisë një tur diplomatik në SHBA. Ai theksoi se kjo vizitë e tij në Europë dhe SHBA do të jetë në funksion të çadrës dhe kërkesave të tyre.
“Unë kam një program vizitash në Europë dhe Amerikë. Jam i ftuar nga zyrtarë të lartë dhe nga parti simotra. Do të jem në një tur diplomatik. Dhe do njoftoj për çdo gjë dhe do të jap informacione për vizitën. Gjithçka do të jetë në funksion të çadrës”, tha Basha, në një lidhje direkte me Ilva Taren, në emisionin e saj “Tonight” në TV “Ora News”.
Ndërsa, i pyetur për të njëjtën vizitë nga Rudina Xhunga për emisionin e saj “Dritare” në TV “Vizion Plus”, Basha ironizoi
“Bilal nuk do të ketë në mes. Një Bilal ke të dënuar. Do të kem takime në Evropë dhe në SHBA dhe do t’ju informoj për këto takime”, sqaroi kreu i PD-së.
Basha: Vizita në SHBA në funksion të çadrës, Bilal nuk do të ketë në mes
