Qytetarë dhe aktivistë u mblodhën këtë mbrëmje në protestën e 58-të radhazi kundër qeverisë, duke kërkuar dorëheqjen e kryeministrit Edi Rama. Ashtu si në tubimet e mëparshme, protestuesit u grumbulluan fillimisht në Sheshin “Skënderbej” dhe më pas marshuan drejt Kryeministrisë, ku vijuan protestën me thirrje kundër qeverisë dhe klasës politike.
Gjatë tubimit, një qytetar mbajti një fjalim me tone të ashpra ndaj kryeministrit Rama, duke kërkuar largimin e tij nga detyra dhe duke bërë krahasime me figura historike.
Në protestë foli edhe aktivisti Arben Kola, i cili akuzoi Policinë e Shtetit për mënyrën e menaxhimit të tubimeve, ndërsa theksoi se protestuesit po përballen me presion dhe intimidim. Ai deklaroi se aktivisti Gent Progni ka qenë objekt i një tentative për sulm me thikë dhe pretendoi nga një polic ndërsa shtoi se pas ngjarjes fshiheshin individë të lidhur me grupe kriminale.
Kola u shpreh se protesta do të vijojë në mënyrë paqësore.
Gjatë protestës u hodhën slogane si “Rama në burg”, “Revolucion” dhe “Jep dorëheqjen”, ndërsa pjesëmarrësit shprehën pakënaqësinë e tyre për situatën politike dhe ekonomike në vend, duke kërkuar ndryshime dhe largimin e kryeministrit nga detyra.m.k
