Policia e Tiranës është afër identifikimit të dy personave që goditën gazetarin Elvi Fundo pak ditë më parë më parë në afërsi të stacionit të trenit në kryeqytet.
Policia ka shpërndarë një video ku dy persona në rroba sportive dhe me kapucë po largohen me vrap në një lokal fill pas aktit kriminal.
“Kërkojmë ndihmën e qytetarëve për të bërë të mundur identifikimin e dy shtetasve, të cilët më datë 08.03.2017, rreth orës 10:30, në rrugën “Asim Vokshi”, pranë stacionit të autobuzave, kanë goditur me mjete të forta shtetasin E. F., i cili ndodhet jashtë rrezikut për jetën.
Policia e Shtetit ofron 500 mijë lekë për informacion të vlefshëm që do të ndihmojë për identifikimin e autorëve, duke kontaktuar në numrin e emergjencave 112 ose numrat e telefonit 0694110202 dhe 0694100134.
Policia e Tiranës siguron ruajtjen e konfidencialitetit”, thuhet në njoftimin e policisë. Droni.al
