Specialistët e Seksionit të Krimeve ndaj pronës, në Drejtorinë Vendore të Policisë Tiranë, kanë finalizuar dje operacionin “Last Night”, në kuadër të të cilit kanë arrestuar:
• Altin Valisi, 21 vjeç, banues në Tiranë
• Durim Dervishi, 19 vjeç, banues në Tiranë
Pas një hetimi intensiv, është arritur të dokumentohet me prova ligjore se shtetasit e lartë përmendur, kanë kërcënuar duke dërguar mesazhe telefonike, P. Z., 55 vjeç, të cilit i kanë kërkuar në formë gjobe shumën monetare prej 10.000 euro.
Në cilësinë e provës materiale janë sekuestruar:
– 1 armë automatike, tip AK-47
– 11 aparate telefonik celular të markave të ndryshme
– 5 Karta SIM
Materialet Procedurale iu kaluan Prokurorisë Pranë Gjykatës së Shkallës së Parë Tiranë, për veprat penale “Shtrëngimi me anë të kanosjes ose dhunës për dhënien e pasurisë” në bashkëpunim dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 109/b/1-25 dhe 278 të Kodit Penal.
VIDEO/ Ja si u arrestuan dy të rinjtë që gjobitën 10 mijë euro një 55-vjeçar
