Gjendet një kufomë pranë portit të Peshkimit në Durrës. Kufoma i përket shtetasit Pjetër Frroku, peshkatar i një firmë peshkimi.
Nga të dhënat paraprake dyshohet se 54-vjeçari ka rënë nga një mjet lundrues, midis portës së peshkimit dhe trageteve.
Sapo u raportua për ngjarjen, policia mbërriti në Portin e Durrësit dhe ka nisur hetimet për zbardhjen e plotë të rrethanave.
Njoftimi i Policisë
Më datë 15. 03. 2017, rreth orës 07:30, në Portin Detar Durrës, midis zonës së trageteve dhe peshkimit, në det është gjetur trupi i pajetë i shtetasit P. F. 54 vjeç, banues në Lezhë, i punësuar si peshkatar në një firmë peshkimi në Durrës.
Nga këqyrja e kufomës nuk janë evidentuar shenja dhune. Në vendngjarje ka shkuar grupi hetimor, të cilët po punojnë për zbardhjen e plotë të ngjarjes.
