Kryeprokurori Adratik Llalla ka përsëritur sot kërkesën për largimin e dy kryebashkiakëve, atij të Poliçanit, Adriatik Zotkaj dhe atij të Tepelenës, Tërmet Peçi. Sipas Llallës, ata të dy janë subjekt i ligjit të dekriminalizimit dhe duhet të shkarkohen nga detyra.
GSH. al sjell reagimin e kryebashkiakut të Tepelenës, Tërmet Peçi. Ai pranon se ka dhënë shenjat e gishtave në prokurori.
I pyetur se a i ka zgjidhur çështjet me KQZ dhe Prokurorinë ai thotë se nuk ka bërë as 12 orë burg dhe nuk ka probleme me ligjin.
“Dhashë shenjat e gishtave. Ç’punë kam unë të jap shenjat e gishtave. Ata pisat e PD akuzojnë kot. Unë jam rrahur kur kam qenë i vogël se jam marrë me kick-box, po nuk jam unë për të rrahur”, deklaroi Peçi për gazetarë nga Tirana gjatë një komunikimi publik në Tepelenë.
Kryeprokurori Adriatik Llalla nga Gjirokastra deklaroi hetimin e të gjithë kandidatëve që do të marrin pjesë në zgjedhje. Ai bëri të ditur gjithashtu se i ka kërkuar KQZ-së, heqjen e mandatit edhe për kryebashkiakët e Tepelenës dhe të Policanit, duke zbuluar emrat e Artur Zotkaj dhe të Tërmet Peçit.
“I kemi kërkuar KQZ-së t’i hiqet mandati dy kryebashkiakëve, kreut të bashkisë së Poliçanit, Artur Zotkaj dhe atij të Tepelenës, Tërmet Peçit. Ka nisur një procedim për falsifikim dokumentesh. Dekriminalizimi duhet të zbatohet para zgjedhjeve”.
FOTO/ Tërmet Peçi: Nuk kam bërë burg, vetëm “kick box”, ku edhe aty vetëm më kanë rrahur!
