Foto, qyteti Ballshit
Një plagosje e dyfishte ka ndodhur mbrëmjen e sotme në Ballsh, në lagjen “5 shkurti” të qytetit të Ballshit.
Mësohet se një 35-vjeçar i quajtur Lulzim Sina ka plagosur me armë zjarri vjehrrin dhe vjehrrën pas një konflikti.
Të plagosurit janë Edmond Xhaferaj 53 vjeç i cili ka marrë 3 plumba në trup, si dhe bashkëshortja e tij Ludmilla Xhaferri 52 vjeçe e cila ka marrë 2 plumba në trup.
Ata janë transportuar në spitalin e Fierit për ndihmën mjekësore, ku mësohet se i janë nënshtruar ndërhyrjeve kirurgjikale.
Ndërsa mësohet se 35-vjeçari është shpallur në kërkim nga policia dhe se ai kishte pak kohë që ishte kthyer nga SHBA së bashku me ish bashkëshorten. Çifti nuk kishte fëmijë dhe dyshohet se shkak i ngjarjes të jetë divorci mes tyre.
Forca police ne vendngjarje kanë nisur hetimet për zbardhjen e plotë të shkaqeve dhe rrethanave.
