Tre persona humbën jetën sot kur një aksident ndodhi përgjatë rrugës që lidh Prishtinën me Shkupin. Aksidenti i rëndë ndodhi në fshatin Gërlicë të Kaçanikut.
“Tre persona janë të vdekur si pasojë e aksidentit që ka ndodhur sot në fshatin Gërlicë. Për informacione tjera ju njoftojmë më vonë”, ka thënë Zëdhënësi i Policisë, Agim Gashi.
Zyrtarë të Policisë dhe Prokurorisë kanë treguar kanë shkuar në vendin e ngjarjes për t’i bërë ekzaminimet e nevojshme. Aty është ftuar edhe Mjekësia Ligjore për t’i marrë trupat e pajetë.
Aksidenti ndodhi kur një kamion i madh u përplas me një veturë. Kamioni e ka goditur veturën, e cila ishte duke ardhur në drejtim të Prishtinës, ndërsa, kamioni me targa të Kosovës ishte duke shkuar në drejtim të Shkupit.
